Кыргызстандыктар жаңы жылда 7 күн катары менен эс алмай болду

Эмгек, социалдык камсыздоо жана миграция министрлиги 2026-жылга карата өндүрүштүк календарды бекитти.

Ага ылайык, кыргызстандыктар 1-январдан 7-январга чейин эс алышат.

Өлкөдөгү майрам күндөрү:

1-январь - Жаңы жыл
23-февраль - Мекенди коргоо күнү
8-март - Аялдардын эл аралык күнү
21-март - Нооруз майрамы
7-апрель - Элдик Апрель революциясы
1-май - Эмгек майрамы
5-май - Кыргыз Республикасынын Конституциясынын күнү
9-май - Жеңиш күнү
31-август - Кыргыз өлкөсүнүн Көз карандысыздыгынын күнү
7-8-ноябрь - Тарых жана ата-бабаларды эскерүү күндөрү

Ай календары боюнча аныкталуучу Орозо айт жана Курман айт жана 7-январь жумушчу эмес, майрам күндөрү болуп саналат. Ал эми 20-март, 30-апрель, 31-декабрь кыскартылган иш күндөрү болот.

Белгилей өтсөк, кыргызстандыктар 1-майдан 10-майга чейин да эс алышат.

Автор: Айжанар Рыспек кызы
Фото: Интернеттен алынды