Ырчы Сайкал Садыбакасовага апасы автоунаа белек кылды (сүрөт)

Ырчы Сайкал Садыбакасовага апасы, өлкөнүн Эл артисти Гүлшайыр Садыбакасова автоунаа белек кылды. Бул тууралуу ырчы айым социалдык тармактагы баракчасына жазды.

Айтымында, белекти туулган күнүндө, тагыраагы, 10-декабрда алган.

"Апам мага туулган күнүмдө автоунаа белек кылды. Апамдын мээрими, ак батасы, колдоосу - менин эң чоң байлыгым. Ал эми бул белеги - жөн гана унаа эмес, мен үчүн апамдын сүйүүсүнүн, камкордугунун дагы бир далили. Рахмат сизге, апа! Сиз менен бир күндө туулганым - тагдырдын эң сонун белеги деп санайм. Сиздин кызыңыз болгонума чексиз шүгүр кылам",- деп жазды Садыбакасова.

Автор: Айжанар Рыспек кызы