АКШ жети өлкөнүн жарандарына өлкөгө кирүүгө толук тыюу салды

АКШ Африка менен Азиянын жети өлкөсүнүн жарандарын өлкөгө кирүүсүнө толугу менен тыюу салды. Бул тууралуу АКШнын президенти Дональд Трамп билдиргенин Ак үйдөн кабарлашкан.

Маалыматка ылайык, анализдердин негизинде Буркина-Фасо, Мали, Нигер, Түштүк Судан жана Сирия өлкөлөрүнүн кирүүсүнө чектөө коюлууда. Мындан тышкары, мурда жарым-жартылай чектөөлөр киргизилген Лаос менен Сьерра-Леоне өлкөлөрүнүн жарандарына толук тыюу салынган.

Ак үйдүн басма сөз кызматы тараткан билдирүүгө ылайык, чектөөлөр 2026-жылдын 1-январынан тарта күчүнө кирет.

Автор: Бурул Турусбекова