“Мындай суроолорду бербей эле койгула”. Кокулов журналисттерге эмоционалдуу жооп берди (видео)

Бүгүн, 17-декабрда Жогорку Кеңештин VIII чакырылышына шайланып келген депутат Эрулан Кокулов журналисттер менен маектешип жатып эмоциясын жашырган жок.

ММК өкүлдөрү кандай депутаттар келгендиги боюнча эл өкүлүнүн оюна кызыгышып, ал так жооп бербей, журналисттерди кекетти. Айрымдарынын суроолору ага түшүнүксүз берилип жатканын да белгилеп өттү.

"Ошондой эле депутаттар келди. Бийликке кемчилиги бар болсо айтам. Эгерде жок болсо... Албетте, ачык айтам. Жогорку Кеңешке келип эмне үчүн депутат болуп отурасың анда. Силер көнүп калган системдүү нерселерге мен баш ийбейм. Мага бул суроолоруңарды бербей эле койгула. Башкаларды кармап бергиле",- деди эл өкүлү.