"Менин шаарым" тиркемеси Кыргызстандын дагы 5 шаарында жеткиликтүү

"Менин шаарым" тиркемесинин функционалдык мүмкүнчүлүктөрү кеңейип, азыркы учурда өлкөнүн бир нече шаарларында жеткиликтүү. Бул тууралуу Бишкек мэриясынан билдиришти.

Учурда коомдук транспорттун кыймылын реалдуу убакыт режиминде көзөмөлдөө функциясы Ош, Кант, Манас, Талас жана Токмок шаарларында жеткиликтүү.

Бул мобилдик тиркеме транспорттун жүрүшү тууралуу актуалдуу маалымат алууга, жол жүрүүнү ыңгайлуу пландаштырууга шарт түзөт.

Алдыда "Менин шаарым" мобилдик тиркемесинин функционалы этап-этабы менен кеңейтилип, өлкөнүн бардык аймактарында жеткиликтүү болот.

Автор: Меерим Кабылова