Нурдан Орунтаев Үрүмчү шаарындагы курулуш заводдору менен таанышты

Кечээ, 18-декабрда курулуш министри Нурдан Орунтаев Кытайдын Үрүмчү шаарына болгон иш сапарынын алкагында курулуш материалдарын өндүрүүчү заводдордун ишмердүүлүгү менен таанышты.

Мекемеден билдиргендей, калаада министрди Синьцзян-Уйгур автоном районунун турак жай курулушу жана шаарларды өнүктүрүү департаментинин башкы директорунун орун басары Ван Цэ тосуп алды.

"Иш сапардын максаты - Үрүмчү шаарынын курулуш материалдары тармагындагы өндүрүштүк кубаттуулугу менен таанышуу, ошондой эле Синьцзян-Уйгур автоном районундагы өндүрүүчү заводдор менен кызматташтык байланыштарды түзүү",- деп белгиленет маалыматта.

Белгилей кетсек, Үрүмчү шаарына курулуш министри менен бирге Кыргызстандагы 30га жакын курулуш компанияларынын жетекчилери да барды.

Автор: Айжанар Рыспек кызы