11 айда 2,1 миллион тонна күйүүчү-майлоочу май маркаланды

Мамлекеттик салык кызматы быйылкы жылдын 1-декабрына карата 2 миллион 142,2 миң тонна бензин жана дизель отуну маркаланганын билдирди.

Мекеме 11 айда күйүүчү-майлоочу материалдарга карата акциз салыгы боюнча 3 миллиард 736,7 миллион сом түшкөнүн кошумчалады. Акциз салыгынан түшкөн киреше өткөн жылдын ушул мезгилине салыштырмалуу 79 миллион 607,7 миң сомго көп болгон.

Эске салсак, 2024-жылдын 1-октябрынан тартып Кыргызстанда өлкөгө импорттолгон жана өлкө ичинде өндүрүлгөн бензин менен дизель отунун молекулярдык маркерлерди колдонуу аркылуу милдеттүү маркалоо киргизилген. Ошондой эле 2025-жылдын 1-январынан тартып маркасы жок бензиндин жана дизель отунунун жүгүртүлүшүнө тыюу салынган.

Автор: Кылымбек Бейшеев
Фото: Интернеттен алынды