Нигерияда кылмыштуу топ тарабынан уурдалган 130 окуучу бошотулду

Нигерияда кылмыштуу топ тарабынан уурдалган 130 окуучу бошотулду. Бул тууралуу Казинформ агенттиги DW'га таянып жазды.

Маалыматка ылайык, алар Нигер штатындагы Ыйык Мариям атындагы католик мектеп-интернатынын окуучулары болушкан. Бул тууралуу өлкө президентинин өкүлү Сандей Дэра 21-декабрда билдирген.

Анын айтымында, учурда кылмыштуу топтун колунда эч ким калган жок.

Эскерте кетсек, 22-ноябрда аталган мектептен 303 окуучу жана 12 мугалим уурдалган. Кийинчерээк 50 окуучу өз алдынча качып кеткен, өкмөт этап-этабы менен калган балдарды бошотту.

Нигериянын түндүк-батыш жана борбордук аймактарында кылмыштуу топтун мүчөлөрү көп жылдан бери адам уурдап, акча талап кылып келишет. Мындай чабуулдардан миңдеген адамдар каза болгон.

Автор: Меерим Кабылова