Галвестондо мексикалык учак кырсыкка учурады

Мексиканын Аскер-деңиз флотунун учагы медициналык миссия менен учуп бара жатып АКШнын Техас штатындагы Галвестон шаарына жакын жерде кырсыкка учурады. Бул тууралуу Казинформ агенттиги ТАСС'ка таянып жазды.

Маалыматка ылайык, окуя эл аралык Скоулз аэропортунда катуу тумандан улам орун алган. Техастын The Daily News басылмасынын маалыматына ылайык, учак Монтеррей шаарынан (Мексика) Галвестонго багыт алган. Бортто эки учкуч, алты жүргүнчү жана бир бала болгон. Учак Галвестон булуңуна кулаган.

Окуядан кийин мексикалык жана америкалык расмий органдар издөө, куткаруу иштерин башташты.

Автор: Меерим Кабылова