АКШ президенти Дональд Трамп Казакстандын президенти Касым-Жомарт Токаев жана Өзбекстандын президенти Шавкат Мирзиёев менен телефондук сүйлөшүү өткөргөнүн билдирди.
Чет элдик басылмалар билдиргендей, тараптар уланып жаткан чыр-чатактарды жөнгө салуунун маанисин, ошондой эле өлкөлөр ортосундагы соода-экономикалык кызматташтыкты кеңейтүү маселелерин талкуулашкан. Трамп АКШнын эки өлкө менен болгон мамилеси жогору деңгээлде экенин белгиледи.
Ошондой эле 2026-жылы АКШда өтө турган G20 саммитине Казакстан жана Өзбекстандын лидерлери конок катары чакырылары айтылды. Саммит Майами шаарында өтөт.
