Уй этин уурдап... Чолпон-Атада ишкердин кол алдында иштеген бангладештик жаран изделүүдө

Ысык-Көл облустук милициясы 34 жаштагы киши кол алдында иштеген бангладештик жаранды унаасына салууга аракет кылган факт аныкталганын билдирди.

Маалыматка ылайык, чет өлкөлүк жаран анын Чолпон-Атадагы үйүндө жашап, кафесинде иштеп жүргөн. Бирок айлык акысын алгандан кийин анын үйүнөн 8 килограмм уй этин уурдап чыгып кеткен.

Ишкер аны Чырпыкты айылынан таап, жумушун аягына чейин аткаруусун талап кылып, унаасына салып үйүнө алып барууга аракет кылган. Бирок ал ага макул болбой, 8 килограмм уй этин кайтарып берип койгон. Ал чет өлкөлүктү ошол жерге таштап кеткен.

Бангладештин жараны Бишкек шаарын көздөй жол тосуп кеткен. Учурда чет өлкөлүктүн жүргөн жерин аныктоо иштери жүрүүдө.

Автор: Кылымбек Бейшеев
Фото: Ысык-Көл ОИИБ