Жаза аткаруу кызматы кылмышкерлерге тоңдурулган балыкты кымбат баада сатып алган

Башкы прокуратура Жазаларды аткаруу мамлекеттик кызматындагы 16 миллион сомго жакын мамлекеттик бюджетке зыян келтирген фактыны аныктады. Бул тууралуу мекеменин маалымат кызматы билдирди.

Маалым болгондой, текшерүүдө кызматкерлер 2025-жылы камактагыларга балык сатып алуу иштеринде мыйзам бузушкан. Тоңдурулган балыктар ашыкча баада сатып алынгандыктан, мамлекетке 15,9 миллион сом зыян келген.

Бул факт боюнча Кылмыш-жаза кодексинин 337-беренеси (Кызмат абалынан кыянаттык менен пайдалануу) боюнча кылмыш иши ачылып, учурда тергөө жүрүп жатат.

Автор: Замира Ниязбекова