Камбоджа менен Таиланд макулдашууга жетишти

Биргелешкен чек ара комитетинин жыйынынын жыйынтыгында Камбоджа менен Таиланд жалпы чек арадагы чыңалууну тез арада басаңдатуу боюнча макулдашууга жетишти. Бул тууралуу Khmer Times басылмасы жазып чыкты.

Биргелешкен билдирүүдө эки тарап кырдаалды тынчтык жол менен чечүүнүн маанилүүлүгүн баса белгилешкен. Камбоджа жана Таиланд эл аралык алкакта таанылган чек араларды урматтоого, бири-биринин көз карандысыздыгын, тең укуктуулугун жана аймактык бүтүндүгүн колдоого бекем ниеттерин ырасташкан.

Макулдашуу токтоосуз жана эч кандай шартсыз ок атышууну токтотууга негизделет. Макулдашуу кечээ, 27-декабрда күчүнө кирген.

Автор: Кылымбек Бейшеев
Фото: Интернеттен алынды