Ала-Тоо аянтындагы "Түндүк жарыгы" жарманкесинде от жагууга тыюу салынды

Ала-Тоо аянтындагы "Түндүк жарыгы" жарманкесинде от жагууга тыюу салынды.

Жаратылыш ресурстары министрлигине караштуу Экология жана техникалык көзөмөл кызматы маалымдагандай, рейд учурунда Бишкек шаарындагы Ала-Тоо аянтында мыйзамсыз уюштурулган от жагуу фактысы катталып, тиешелүү чаралар көрүлдү. Аталган мыйзам бузуу үчүн Укук бузуулар кодексинин 230-беренесинин негизинде күнөөлүү тарапка 28 миң сом өлчөмүндө айып пул салынды.

Мындан тышкары, мыйзам бузган тараптан от жагууну 29-декабрдан тартып толук токтотуу боюнча кепилдик каты алынды.

Экология жана техникалык көзөмөл кызматы айлана-чөйрөнү коргоо жана коомдук тартипти сактоо багытындагы көзөмөл иш-чараларын мындан ары да күчөтөт. Жарандарды экологиялык талаптарды жана мыйзам нормаларын так сактоого чакырат.

Автор: Меерим Кабылова