Бишкек шаарындагы "Ала-Тоо" аянтында 31-декабрда майрамдык концерт болот. Буга байланыштуу мэрия шаар тургундарын жана борбор калаанын конокторун жаңы жылдык кечени көрүүгө чакырды.
Мекеме билдиргендей, иш-чара саат 18:00дө башталып, ага кыргыз эстрадасынын жылдыздары катышат.
"Үй-бүлөңүздөр, досторуңуздар жана жакындарыңыздар менен 2026-жаңы жылды кубаныч, биримдик менен тосууга чакырабыз", - деп жазылат маалыматта.