Дүйнөлүк жылдыз Криштиану Роналду Түркмөнстанга барат

Футбол боюнча Азия чемпиондор лигасынын экинчи турниринин плей-офф баскычына чүчү кулак тартылып, 16 команда 1/8 финалдын жуптарына бөлүндү. Бул тууралуу чет элдик басылмалар жазышууда.

Маалыматка ылайык, чүчү кулактын жыйынтыгында Сауд Арабиясынын "Аль-Наср" клубу, курамында дүйнөгө белгилүү футболчу Криштиану Роналду ойногон команда, Түркмөнстандын учурдагы чемпиону "Аркадаг" клубу менен беттешмей болду.

1/8 финалдын алгачкы беттештери февраль айына белгиленген.

Белгилей кетсек, тайпалык баскычта "Аль-Наср" Тажикстандын "Истиклол" клубу менен бир тайпада ойногон. Бирок Сауд Арабиясынын клубу Дүйшөмбү шаарында өтмөк болгон беттешке, бир нече жыл мурдагыдай эле, барган эмес.

Автор: Айзада Кыдырмышева