АКШ Венесуэлага каршы экинчи чабуулдан баш тартты

АКШнын президенти Дональд Трамп Венесуэлага каршы пландалган экинчи чабуул толкунун жокко чыгарды.

Анын айтымында, мындан ары чабуулдардын кереги жок, анткени өлкөлөр мунай-газ инфраструктурасын калыбына келтирүү боюнча кызматташат.

АКШ президентинин билдиргендей, ири мунай компаниялары кеминде 100 миллиард доллар инвестиция салат.

Эске салсак, 3-январда АКШ Венесуэлада атайын операция жүргүзүп, өлкөнүн лидери Николас Мадурону жубайы менен бирге туткундап, алып чыгып кеткен. 5-январда Венесуэланы убактылуу президент катары Делси Родригес башкарууга алды. Ал буга чейин өлкөнүн вице-президенти болуп иштеп турган.

Автор: Замира Ниязбекова