Мальтада 48 жаштагы кыргызстандык аял сууга чөгүп каза болду. Бул тууралуу Times of Malta басылмасы жазды.
Маалым болгондой, окуя 11-январда Ыйык Георгий булуңунда болгон. Аны менен бирге болгон дагы бир кыргызстандык 23 жаштагы кыз ооруканага жаткырылган.
"Аларга биринчи жардам көрсөтүлүп, ооруканага жеткирилген. Көрүлгөн чараларга карабастан 48 жаштагы аял каза болуп калган. Ал эми экинчи жарандын абалы туруктуу",- деп айтылат маалыматта.
Учурда полиция окуя боюнча иликтөөнү улантууда.