Бишкектеги Айтматов проспектинин бир бөлүгү унаа кыймылы үчүн ачылды

Бүгүн, 12-январда Чыңгыз Айтматов проспектинин бир бөлүгү унаа кыймылы үчүн ачылды. Бул тууралуу калаа мэриясы кабарлады.

Маалыматка ылайык, аталган проспект Семетей көчөсүнөн Абсамат Масалиев проспектине чейин ачылган. Тилкеде жөө адамдар өтүүчү 4 жер алдынан өтмөк курулган. Ар бир өтмөктүн узундугу 33,5 метрди, туурасы 4 метрди түзөт.

Учурда өтмөктөрдүн ичин жасалгалоо жана тепкичтерди куруу иштери уланууда.

Белгилей кетсек, курулуш иштери шаар тургундарына ыңгайсыздык жаратпоо жана транспорттук тыгынды азайтуу максатында майрамдык эс алуу күндөрүндө жүргүзүлгөн.

Автор: Бурул Турусбекова