Кыргызстандын футбол боюнча жаштар курама командасы (U-23) Сауд Арабиясында өтүп жаткан Азия Кубогундагы оюнун жыйынтыктады.
Тайпалык баскычтын акыркы турунда кыргызстандыктар Иорданиянын футболчулары менен беттешип, 0:1 эсебинде утулуп калышты. Жалгыз гол оюндун биринчи таймынын 33-мүнөтүндө киргизилди.
Жыйынтыгында Кыргызстандын жаштар курама командасы тайпалык этаптагы үч оюнунун баарында утулуп, жалпы эсептеги "А" тайпасында 4-орунду ээледи.
Муну менен башкы машыктыруучу Эдмар Ласерда жетектеген команда Азия Кубогундагы мелдешин аяктады.