Бишкек - Ош жолунан 300 миллион сомдон ашык киреше түштү

Бишкек - Ош унаа жолундагы "Сосновка" жана "Кара-Көл" көзөмөл-өткөрүү пункттарында QR-код менен накталай эмес түрдө төлөм системи аркылуу 2025-жылы жалпы 300 миллион 266 миң 484 сом жыйым чогулду.

Транспорт министрлиги билдиргендей, бул 2024-жылга жылга салыштырмалуу 35,48 пайызга көп. Көзөмөл-өткөрүү пункттарында накталай төлөм коррупциялык көрүнүштөрдү болтурбоо максатында токтотулган.

"Учурда жарандар заманбап жана ыңгайлуу болгон QR-код аркылуу, жеринде орнотулган терминалдар аркылуу же электрондук капчыктар, мобилдик тиркемелер аркылуу төлөм жүргүзүп жатышат",- деп айтылат маалыматта.

Автор: Кылымбек Бейшеев