Кечээ, 19-январда АКШнын Мичиган штатында кардын көп жаагандыгынан улам 100дөн ашуун унаанын катышуусунда ири жол кырсыгы катталды. Associated Press агенттигинин маалыматына караганда, көптөгөн адамдар жаракат алган, каза болгондор жок.
Окуяга байланыштуу полиция унаа жолунун эки багытын тең жаап, куткаруучулар 30дан ашуун жүк ташуучу унааны эвакуациялашты. Кырсык өлкөнүн бир катар штаттарын камтыган күчтүү кышкы бороондун кесепетинен болгон.
Метеорологдор айдоочуларды жолго чыкпоого чакырышууда.
