Унаа жуучу жайда жаранды сабап салууга шектүүлөр кармалышты

Чүй облусунда ден соолукка анча оор эмес зыян келтирүүгө шектелген эки жаран кармалды. Бул тууралуу 21-январда облустук милиция билдирди.

Маалыматка ылайык, 19-декабрда Панфилов РИИБине 31 жаштагы жаран арыз менен кайрылган.

Арыз ээсинин маалыматына ылайык, 16-декабрда Кайыңды шаарындагы "LEGACY" өзүн-өзү тейлөөчү унаа жуучу жайдын аймагында белгисиз адамдар ага кол салып, денесине жаракат келтиришкен.

Аталган факт каттоого алынып, соттук-медициналык экспертиза дайындалган. Эксперттин корутундусуна ылайык, жабырлануучуга ден соолукка анча оор эмес зыян келтирилген.

Бул факт боюнча Кылмыш-жаза кодексинин 131-беренеси (Ден соолукка анча оор эмес зыян келтирүү) белгилери боюнча кылмыш иши козголгон. Шектүү катары 39 жаштагы жана 36 жаштагы жарандар кармалып, убактылуу кармоочу жайга киргизилишти.

Учурда тергөө иш-чаралары улантылууда.

Автор: Айжанар Рыспек кызы
Фото: Чүй ОИИББ