Токаев Казакстанда вице-президент кызматын киргизүүнү сунуштады

Казакстандын президенти Касым-Жомарт Токаев Улуттук курултайдын жыйынында вице-президент кызматын киргизүүнү жана аны Конституцияда бекитүүнү сунуштады. Вице-президент президент тарабынан парламенттин макулдугу менен дайындала тургандыгын Казак басылмалары жазышууда.

"Вице-президент президенттин тапшырмасы менен эл аралык форумдарда жана чет мамлекеттердин делегациялары менен болгон сүйлөшүүлөрдө Казакстандын кызыкчылыктарын коргойт, парламентте президенттин өкүлү болот, ички жана чет өлкөлүк коомдук-саясий, илимий жана маданий-агартуу уюмдары менен кызматташат. Ошондой эле президент берген башка тапшырмаларды аткарат",- деп түшүндүрдү Токаев.

Ага байланыштуу учурдагы парламенттин ишин камсыз кылган айрым аппараттык түзүмдөр, ошондой эле мамлекеттик кеңешчинин кызмат орду жоюлары айтылды.

Автор: Замира Ниязбекова