Кыргызстандын аймагында тыюу салынган тамеки продукцияларын ташып кирүү фактысы аныкталды. Бул тууралуу Салык кызматынан билдиришти.
Маалыматка ылайык, факт рейддик салык көзөмөлүнүн жүрүшүндө анык болду. Тактап айтканда, Кыргызстандын аймагына кирип келе жаткан унаадан 190 даана тыюу салынган түтүнсүз тамеки (снюс) продукциясы табылган.
Бул факт боюнча материалдар укуктук баа берүү үчүн укук коргоо органдарына өткөрүлүп берилди.