Бишкекте ири өлчөмдөгү чөнтөк уурулукка шектүүлөр кармалышты (видео)

Бишкек шаарында ири өлчөмдөгү чөнтөк уурулукка шектүүлөр кармалышканын шаардын ички иштер башкы башкармалыгынын басма сөз кызматы билдирди.

Маалыматка ылайык, 8-январда №161 автобуста белгисиз адамдар Э.Б. аттуу жарандын сумкасын уурдап кетишкен. Анын ичинде 595 миң сом, 400 доллар, ошондой эле 100 миң сомго бааланган зер буюмдар болгон.

Бул факты боюнча Кылмыш-жаза кодексинин 205-беренеси (Уурдоо) менен кылмыш иши козголгон. Ыкчам издөө иш-чараларынын жүрүшүндө "Сары-Өзөн" базарынын аймагында 1985-жылы туулган, мурда оор кылмыштар үчүн соттолгон Ш.М. жана Ж.А. аттуу жарандар кармалган.

Тергөө иштери жүргүзүлүүдө.