Ошто баласын уурдап, зомбулук көрсөткөн жаран боюнча текшерүү башталды

Ош облусунда баласын уурдап, аялына зомбулук көрсөткөн жаран боюнча соттук териштирүү жүрүп жатат. Бул тууралуу 23-январда Ош облустук ички иштер башкармалыгынан билдиришти.

Маалыматка ылайык, 22-январь күнү Ютуб каналына зомбулук көргөн аялдын видеосы жарыяланды. Анда 2004-жылы туулган Н.М. аттуу жабырлануучуга 1995-жылы туулган М.Ф. аттуу жолдошу 3 жыл бою зомбулук көрсөтүп, акыры ажырашканы айтылган. Бирок жолдошу ажырашканына карабастан 2 жашар кызын уурдап кеткен.

Мурунку зомбулугу үчүн арыздануучунун жолдошу 5 суткага камакка алынды. Ал эми кызынын уурдалышы боюнча 21-январдан баштап текшерүү иштери жүргүзүлүп жатат.

Учурда бул жубайлардын ортосундагы бала кимде калыш керектигин чечүү боюнча соттук териштирүү жүрүп жатат.

Автор: Меерим Кабылова