Бишкек бетон заводунун ишмердүүлүгүндө кемчиликтер аныкталды

Борбор калаадагы Бишкек бетон заводдун ишмердүүлүгүндө кемчиликтер аныкталды. Бул тууралуу Курулуш министрлиги билдирди.

Маалымдалгандай, текшерүүдө архитектуралык-уруксат берүүчү документтердин жоктугу, ошондой эле бетон өндүрүү үчүн белгиленген талаптардын жана ченемдердин сакталбагандыгы сыяктуу бир катар кемчиликтер аныкталган.

"Мындан тышкары лабораториялык сыноолорду жүргүзүү үчүн бетондун, кумдун жана шагылдын үлгүлөрү алынган. Изилдөөлөрдүн жыйынтыгы боюнча продукциянын колдонуудагы ченемдик документтердин талаптарынын шайкештигине баа берилет, андан кийин тиешелүү чечимдер кабыл алынат", - деп айтылат маалыматта.

Автор: Кылымбек Бейшеев