Ошто күйүүчү-майлоочу материалдарды мыйзамсыз сатуу фактысы аныкталды

Мамлекеттик салык кызматынын кызматкерлери Ош облусунда күйүүчү-майлоочу материалдарды мыйзамсыз сатууну жана жүгүртүүнү аныктоо боюнча рейддик иш-чараларды өткөрүштү. Бул тууралуу 26-январда Салык кызматынан билдирди.

Анын жүрүшүндө тиешелүү уруксат берүүчү документтери жок, беш даана автоцистернаны колдонуу менен белгиленбеген жерлерде көчмө чекене соода жүргүзгөн күйүүчү-майлоочу материалдарды мыйзамсыз сатуу түйүндөрү аныкталды.

Аталган мыйзам бузуу фактылары боюнча автоцистерналардын ээлерине административдик айып салынып, транспорт каражаттары айып жайга токтотулду, күйүүчү-майлоочу материалдар алынды. Материалдар сот органдарына өткөрүлүп берилди.