Шаар куруу жана архитектура департаментинде кадрдык дайындоо болду

Курулуш, архитектура жана турак жай-коммуналдык чарба министрлигине караштуу Шаар куруу жана архитектура департаментинин директорунун орун басары болуп Дастан Ураанов дайындалды.

Министрликтен билдиришкендей, тиешелүү буйрукка министр Нурдан Орунтаев кол койгон. 26-январда министрдин орун басары Бакай Турдугулов жаңы дайындалган жетекчини эмгек жамаатына тааныштырып, ишине ийгилик каалады.

Дастан Ураанов – архитектор жана шаар куруучу, 2015-жылдан бери бул тармакта иштеп келет. Буга чейин департаменттин №8 өнөрканасын жетектеген.

Автор: Айзада Кыдырмышева
Фото: Курулуш министрлиги