ТИМ АКШдагы кыргызстандыктарды сак болууга чакырды

АКШнын бир катар шаарларында улантылып жаткан көчө демонстрацияларынын фонунда Кыргыз Республикасынын Тышкы иштер министрлиги өлкө аймагында жүргөн Кыргызстандын жарандарын өзгөчө этият болууга чакырды.

Министрлик массалык иш-чараларга, митингдерге жана нааразылык акцияларына катышпоону, ар дайым жеке инсандыгын тастыктаган документтерди жанында алып жүрүүнү, ошондой эле иммиграциялык макамдын жана уруксат берүүчү документтердин мөөнөттөрүнүн актуалдуулугун көзөмөлдөөнү сунуштады.

Зарыл учурларда мекендештерге АКШдагы Кыргыз Республикасынын дипломатиялык жана консулдук мекемелерине дароо кайрылуу сунушталат.

Байланыш үчүн маалыматтар:

Кыргыз Республикасынын АКШдагы элчилиги (Вашингтон):
+1 202 449 98 22, +1 202 256 2924
Кыргыз Республикасынын Чикаго шаарындагы башкы консулдугу:
+1 312 994 24 16, +1 312 929 34 42
КР ТИМдин Консулдук департаменти:
+996 999 312 002
Электрондук почта:
kgconsulate.washington@mfa.gov.kg
kgconsulate.chicago@mfa.gov.kg