Баткенде “Суу-Башы” көмөкчордону пайдаланууга берилди

Баткен шаарында “Суу-Башы” көмөкчордону пайдаланууга берилди. Бул тууралуу 29-январда президенттин Баткен облусундагы ыйгарым укуктуу өкүлүнүн басма сөз кызматы билдирди.

Маалыматка ылайык, көмөкчордондун жалпы наркы 76 миллион 709 миң 894 сомду түзгөн. Иш-чаранын жүрүшүндө "Баткен электр тармактары" ишканасына 5 автоунаанын ачкычы да тапшырылды.

Иш-чарага энергетика министри Таалайбек Ибраев, президенттин Баткен облусундагы ыйгарым укуктуу өкүлүнүн орун басары Абдирашит Ташбалтаев, "Улуттук электр тармактары" ишканасынын жетекчиси Ильгиз Сыдыгалиев, жергиликтүү жетекчилер, энергетиктер катышты.