Трамп Украина боюнча сүйлөшүүлөрдө чоң жылыш бар экенин билдирди

АКШнын президенти Дональд Трамп Украина маселеси боюнча жүргүзүлүп жаткан сүйлөшүүлөрдө олуттуу прогресс бар экенин айтты. Бул тууралуу чет элдик басылмалар жазышты.

Трамптын айтымында, тараптардын позициялары жакындашып, сүйлөшүүлөр оң нукта жүрүүдө.

Трамп азырынча сүйлөшүүлөрдүн чоо-жайын ачыктаган жок, бирок жетишилген жылыштар кырдаалды жөнгө салууга үмүт жаратканын белгиледи. Ал АКШ бул процессте активдүү роль ойной берерин кошумчалады.

Украина боюнча сүйлөшүүлөр эл аралык коомчулуктун көңүл чордонунда калууда жана алдыдагы кадамдар аймактагы кырдаалга олуттуу таасир этери күтүлүүдө.

Автор: Айзада Кыдырмышева