Ак-Тилек конушунда жаңы бала бакчанын курулушу кайсы этапта?

Бишкектин Ак-Тилек конушунун Ак-Шоокум көчөсүндө 80 орунга ылайыкталган жаңы мектепке чейинки билим берүү мекемесинин курулушу улантылууда.

Мэриянын маалымат кызматы билдиргендей, жер тилкесинин аянты 0,2179 гектарды, ал эми имараттын жалпы аянты 1042,05 чарчы метрди түзөт. Объект борбор калаанын Свердлов районунда жайгашкан.

Белгилей кетсек бүгүнкү күнгө карата курулуш-монтаждоо иштери 28 пайызга аткарылды. Имараттын биринчи кабатынын колонналарын орнотуу иштери толук аяктап, имараттын түштүк тарабында таяныч дубал курулду. Учурда биринчи кабаттын жабуусун орнотуу иштери жүргүзүлүүдө.

Автор: Замира Ниязбекова