Таластагы алтын кенде бир адам таш басып каза болду

Таластагы алтын кенинде 50 жаштагы жаранды таш басып каза болду. Маалыматты бүгүн, 2-февралда Талас облустук милициясынын басма сөз кызматы тастыктады.

Маалыматка ылайык, кырсык 27-январда алтын кенинде казуу иштерин жүргүзүп жаткан учурунда болгон. Анда маркумдан тышкары, 45 жана 44 жаштагы жарандар жабыркап, Талас облустук борборлоштурулган ооруканасына кайрылышкан.

Маркумга карата соттук-медициналык экспертиза дайындалган. Ал эми жаракат алгандар суракка алынып, алар бул факт боюнча эч кимге арыз дооматы жоктугун билдиришкен.

Учурда текшерүү иштери жүргүзүлүүдө.

Автор: Кылымбек Бейшеев
Фото: Интернеттен алынды