Ошто мыйзамсыз менчиктештирилген жер мамлекетке кайтарылды (видео)

Ош шаарындагы №1 жүргүнчү ташуу автотранспорт ишканасынын аймагы мамлекеттин балансына кайтарылды. Бул тууралуу 3-февралда Улуттук коопсуздук мамлекеттик комитетинен билдиришти.

Берилген маалыматка ылайык, 2000-жылдардын башында ишкананын мурдагы директору аталган ишкананын аймагын мыйзамсыз менчиктештирип алган, андан кийин ал жерди бир нече бөлүккө бөлүп, аны өзүнө жакын адамдардын атына каттаткан.

Тергөө учурунда экс-директор аталган мүлккө болгон менчиги мыйзамсыз экенин түшүнүп, административдик жана чарбалык имараттары бар 1,39 гектар жер тилкесин өз ыктыяры менен мамлекетке өткөрүп берди.