Бишкекте бетон заводго текшерүү жүргүзүлдү

Курулуш министрлигине караштуу Курулушту сертификаттоонун республикалык борборунун кызматкерлери Бишкек шаарынын Көк-Жар айылында жайгашкан бетон аралашмаларын өндүрүүчү заводго текшерүү жүргүздү.

Анда ишкананын техникалык жана технологиялык документтери каралып, өндүрүштүк лабораториясы текшерилди. Ошондой эле бетон аралашмаларын даярдоо шарттары иликтенди.

Жыйынтыгында бир катар мыйзам бузуулар аныкталды. Ал кемчиликтерди жоюу үчүн ишкананын жетекчилигине 1 айлык мөөнөт берилди.

"Белгиленген мөөнөт аяктагандан кийин кайрадан текшерүү жүргүзүлөт",- деп билдирди министрлик.

Автор: Айжанар Рыспек кызы
Фото: Курулуш министрлиги