Япониянын түндүгүндө жана Япон деңизинин жээгинде катуу кар жаап, анын кесепетинен кеминде 35 адам каза болду. Бул тууралуу чет элдик басылмалар жазышты.
Алардын арасында карды тазалап жатып үйдүн чатырынан кулап түшкөндөр жана ашыкча күч келүүдөн каза болгон улгайган адамдар бар. Бийлик жолдорду тазалоодо кыйынчылыктарга туш болуп, жол тыгындары жаралып жатканы айтылды. Айрым аймактарда мектептер жабылып, карды тазалоого жардам берүү үчүн аскерлер тартылган.