Өлкөдө былтыр канча кырсык катталып, канча жаран каза тапты?

Өзгөчө кырдаалдар министрлигинин маалымат кызматы 2025-жылдын жыйынтыгы чыгарылганын кабарлады.

Маалымдалгандай, былтыр 14 өзгөчө кырдаал катталып, 32 адам каза болгон. Материалдык чыгымы 60 миллион 252 миң сомду түзгөн. 2024-жылга салыштырмалуу өзгөчө кырдаалдардын кесепеттери кыйла азайган.

Ал эми кырсыктардын жалпы саны 4429 түзүп, 2024-жылы менен салыштырмалуу 16 пайызга көбөйгөн. Кырсыктарда 313 адамдын өмүрү кыйылган, материалдык чыгым 2 миллиард 30 миллион сомду түзүп, былтыркыга салыштырмалуу 2 эсеге көбөйгөн.

Автор: Кылымбек Бейшеев