Оштун көчөлөрүнүн бирине Чубак ажы Жалиловдун аты берилиши мүмкүн (видео)

Ош шаарынын көчөлөрүнүн бирине Чубак ажы Жалиловдун атын берүү сунушталууда. Бул тууралуу кечээ, 9-февралда Ош шаарынын мэри Жеңишбек Токторбаевдин “Жибек Жолу” муниципалдык аймактык башкармалыгынын тургундары менен болгон жолугушууда маалым болду.

Анда жергиликтүүлөрдүн бири чыгып төрт көчөгө белгилүү коомдук ишмерлердин аттарын коюп берүүнү суранышты.

"101-көчөгө, эң чоң көчө,Чубак ажы Жалиловдун атын коюп берсеңиз. Анан 151ге Салижан Кудайбердиевдин, 177ге Жусуп Абдрахмановдун, 165ке Махамаджан Касиевдин атын берсек",- деди тургун.

Жолугушууда мэр жергиликтүүлөрдүн сунушун кабыл алды.