Дүйнөлүк көчмөндөр оюндарына 100гө жакын өлкөнүн өкүлдөрү келишет

VI Дүйнөлүк көчмөндөр оюндарына 90дон ашуун өлкөнүн өкүлдөрүнүн катышуусу күтүлүүдө. Бул тууралуу Маданият, маалымат жана жаштар саясаты министри Мирбек Мамбеталиев билдирди.

Маалыматка ылайык, бүгүн, 10-февралда VI Дүйнөлүк көчмөндөр оюндарынын алкагында маалыматтык кызматташуу жана өнөктөштүк тууралуу меморандумга кол коюлду.

"Меморандумдун алкагында тараптар маалыматтык координацияны күчөтүп, расмий пресс-материалдар менен камсыз кылуу, медиа өкүлдөрдү аккредитациялоо, иш-чараларды түз эфирде чагылдыруу, ошондой эле эксклюзивдүү маектерди жана атайын медиадолбоорлорду ишке ашыруу багытында тыгыз кызматташат",- деп билдирди министрлик.

Мындан тышкары, болжол менен 500гө жакын чет өлкөлүк журналисттин иштөөсү мерчемделүүдө. Ошондой эле ЖМКлар үчүн заманбап техникалык инфраструктура менен жабдылган пресс-борборлор уюштурулары кошумчаланды.

Автор: Бурул Турусбекова