Дмитрий Бивол менен Баходир Жалолов Ысык-Көлдө машыгууда (видео)

Белгилүү мушкер Дмитрий Бивол менен эки жолку Олимпиада чемпиону Баходир Жалолов Кыргызстан курама командасы менен бирге Ысык-Көлдө машыгуу жыйынын өткөрүп жатышат. Бул тууралуу Бокс федерациясы маалымдап, видео менен бөлүштү.

"Бул – биздин спортчулар үчүн тажрыйба алмашууга, дүйнөлүк элитанын деңгээлин көрүүгө жана өздөрүн дагы да күчтөндүрүүгө өзгөчө мүмкүнчүлүк", - деп айтылат анда.

Дмитрий Бивол – азыркы учурдагы эң техникалуу мушкерлердин бири, IBO жана WBA курларынын ээси.

Баходир Жалолов — бокс боюнча эки жолку Олимпиада чемпиону. Ал 2024-жылы Парижде өткөн Олимпиадада 92 килограммдан жогоркулар арасында алтын уткан.