Лукашенко: "БУУ дүйнөлүк маселелерди чече албай жатат"

Беларус президенти Александр Лукашенко бүгүн, 16-февралда Бириккен Улуттар уюмун сынга алып, аны “натыйжасыз уюм” деп атады. Бул тууралуу БелТА агенттиги жазды.

Лукашенконун айтымында, БУУ бүгүнкү күндө маанилүү дүйнөлүк маселелерди чечпей жатат жана чече албайт. Ошол эле учурда ал азыркы шартта бул уюмга альтернатива жок экенин белгиледи.

Президент БУУ өзүнүн негизги ролун толук аткарбай жатканына карабастан, дүйнөдөгү бардык мамлекеттердин өкүлдөрү чогулган жалгыз глобалдык аянтча бойдон калып жатканын кошумчалады.

Автор: Айзада Кыдырмышева