Кримтөбөл Досоновдун адамына таандык жер тилкеси мамлекетке кайтарылды

Оштун Кара-Суу районунда кримтөбөл Кадыр Досоновдун уюшкан кылмыштуу тобунун активдүү мүчөсүнө таандык 4 гектар жер тилкеси мамлекетке кайтарылды. Бул тууралуу Улуттук коопсуздук мамлекеттик комитети билдирди.

Атайын кызмат иликтөөдө жер тилкелери жер мыйзамдарын бузуу менен катталгандыгы аныкталганын белгиледи. Кеп болуп жаткан жер "Айыл чарба жерлери" катары классификацияланган, бирок башка максаттарда колдонулган. Бул "Кыргызгипрозем" мамлекеттик ишканасынын расмий маалыматтары менен тастыкталган.

Автор: Кылымбек Бейшеев