Токтогулда мыйзамсыз аңчылык кылгандарга айып салынды

Жалал-Абад облусунун Токтогул районунда мыйзамсыз аңчылык фактысы аныкталып, шектүүлөргө айып пул салынды. Бул тууралуу 17-февралда Жаратылыш министрлиги кабарлады.

Маалыматка ылайык, рейд учурунда Кара-Жыгач айылынын тургундары тарабынан 9 даана кекилик кармалып, пайдаланылганы аныкталган.

Аталган факт боюнча “Укук бузуулар жөнүндө” кодекстин 263-беренесине ылайык протокол түзүлүп, 12 500 сом айып пул салынды. Ошондой эле 9 даана кекилик үчүн 36 000 сом өлчөмүндө доо эсептелди.

Министрлик жарандарды жаратылышты коргоо мыйзамдарын так сактоого чакырат.

Автор: Айжанар Рыспек кызы
Фото: интернеттен алынды