Сейрек “Покемон” картасы 1,8 миллиард сомго сатылып, тарыхтагы эң кымбаты аталды

Сейрек кездешкен Покемон коллекциялык картасы 1,8 миллиард сомго сатылып, тарыхтагы эң кымбат карта болуп калды.

Маалыматка ылайык, соода жеке коллекционерлердин ортосунда жүргүзүлгөн. Эксперттердин баамында, картанын баасы анын өтө сейректиги, мыкты сакталган абалы жана коллекционерлер арасындагы жогорку суроо-талап менен байланыштуу.

Адистер белгилегендей, акыркы жылдары «Покемон» карталарына болгон кызыгуу дүйнө жүзүндө олуттуу өстү. Айрым сейрек нускалар эл аралык аукциондордо миллиондогон долларга чейин бааланып келет.

Бул жолку сатуу коллекциялык карталар рыногунда жаңы рекорд катары бааланууда.

Автор: Айзада Кыдырмышева