ЖРТга катталуу үчүн керектүү документтер аталды

Илим министрлигинин маалыматына ылайык, өлкөдө жалпы республикалык тестирлөөгө каттоо 17-февралдан 2-апрелге чейин жүргүзүлөт.

Билимди баалоо жана окутуу усулдары борборунун директору Чынара Батракеева маалымат жыйында каттоодон өтүү үчүн керектелүүчү документтерди атады:

Паспорт;
Орто билим жөнүндөгү аттестат же орто билимди тастыктаган диплом (мурдагы жылдардын бүтүрүүчүлөрү үчүн);
ЖРТга каттоо акысын төлөгөндүгүн тастыктаган дүмүрчөк (квитанция, азыр бул бардык электрондук капчыктарда жеткиликтүү);
Талаптарга ылайык келген электрондук сүрөт (акыркы 6 ай ичинде тартылган).

Белгилей кетсек, быйыл каттоо акысы ар бир абитуриент үчүн негизги тест, ар бир предметтик тестке жана мамлекеттик тил боюнча милдеттүү тест үчүн 470 сомду түзөт.