Чүйдө “Бандит” аталышындагы рейд учурунда 53 кылмыштын бети ачылды

Чүй облусунда “Бандит” аталышындагы рейд уланууда.

Облустук милициянын басма сөз кызматы билдиргендей, рейд учурунда 53 кылмыштын бети ачылды. Анын ичинде уурулук, алдамчылык, мал уурдоо, тоноо, адамды уурдоо жана бейбаштык аракеттер бар. Мындан тышкары, жергиликтүү милиция бөлүмдөрүнө уюшкан кылмыштуу топтордун мүчөсү делген 56 адам жеткирилип, мыйзам талаптары түшүндүрүлдү.

Башкармалык коомдук тартипти сактоого, кылмыштуулукту алдын алуу жана аныктоого багытталган бардык чараларды көрүп жатат.

Автор: Замира Ниязбекова