Жүк ташыган унаалардын айдоочулары жол эрежесин бузган видео тарады

Жол милициясы Бишкек - Нарын - Торугарт унаа жолунда оор жүк ташуучу унаалардын айдоочулары жол эрежелерин одоно бузган видеону жарыялады.

Ага ылайык, анда ХОВО жана SHACMAN үлгүсүндөгү автоунаалардын айдоочулары жол эрежелерин одоно бузуп, кооптуу абал түзүп, башка айдоочуларга тоскоолдук жараткан.

Аталган факт боюнча ЖКККББнын кызматкерлери тарабынан текшерүү иштери жүргүзүлүп, чет өлкөлүк жана Кыргыз жарандары менен профилактикалык түшүндүрүү иштери өткөрүлдү. Жол эрежелерин бузган айдоочуларга карата жалпы 32 000 сом өлчөмүндө айып пул салынды.