Кошумча бак орнотуу менен күйүүчү май ташыган 37 унаа аныкталды

Жол милициясы 20-февралда кошумча бак орнотуу менен күйүүчү май ташыган 37 унаа айып короо жайына киргизилгенин билдирди.

Белгилүү болгондой, алардын көпчүлүгү жол тандабас унаалар.

Жол кыймылынын коопсуздугун камсыздоо башкы башкармалыгынын кызматкерлери атайын рейддин алкагында унаасына кошумча күйүүчү май куюучу бактарды орнотуп, Казакстан өлкөсүнөн Кыргызстанга күйүүчү май ташып келип, жол жээктеринде мыйзамсыз сатып жаткан 37 айдоочуну аныкташты.

Бул унаалардын баары убактылуу айып короо жайына токтотулуп, 5500 сомдон айып салынды. Унаалар мыйзамсыз жабдылган кошумча бактарын чечмейин чыгарылбайт.

Автор: Айжанар Рыспек кызы
Фото: интернеттен алынды